وەرگرتنی گەنمی جووتیارانی کورد لە کەرکووک دەستپێدەکات

ئاڤا نیوز

وەرگرتنی گەنمی جووتیارانی کورد لە سنووری کەرکووک دەستی پێکرد، ئەمڕۆ پشکنین بۆ زەوییەکان دەکرێت.

وێنە گەورەکە: بەهۆی ڕێگریکردن لە دروێنەی گەنمی جووتیارانی کورد لەلایەن سوپای عێراق، دروێنەی جووتیاران دواکەوت.

لێدوانی فەرمی: محەممەد ئیسماعیل، نوێنەری جووتیارانی سەرگەڕان بە ئاڤا نیوزی گوت:"ناونووسینی جووتیارانی کورد دەستیپێکردووە و دوای پشکنینی زەوییەکانیان دەتوانن گەنمەکەیان ببەنە سایلۆکان".

ئەوەی پێویستە بیزانیت: ئەمساڵ 400 هەزار تۆن لەدەرەوەی پلانی کشتوکاڵی لە کەرکووک وەردەگیرێت، بەرهەمی جووتیارانی کوردیش لە کەرکووک لەو چوارچێوەیەدا هەژمار دەکرێت، چونکە خاوەنی تاپۆی زەوییەکان نین.