هاوژینەکەی ڕەئیسی خۆی بۆ هەڵبژاردنی سەرۆككۆماری ئێران بەربژێر دەکات؟

ئاڤا نیوز

لە نێو لیستی ئەو ناوانەی کە گوایە خۆیان بۆ هەڵبژاردنی سەرۆککۆماری ئێران بەربژێر کردووە، ناوی دوو ژن دەبینرێت، یەکێکیان هاوژینی ئیبراهیم ڕەئیسی سەرۆککۆماری کۆچکردووی ئێرانە.

وێنە گەورەکە: دوای مردنی ئیبراهیم ڕەئیسی، سەرۆککۆماری ئێران، دەبێت دوای پەنجا ڕۆژ هەڵبژاردنی سەرۆککۆمار بکرێت و ناوی 20 کەس وەک بەربژێر دەهێنرێن و لەو ناوانەشدا دوو ژن هەن.

ئەوەی پێویستە بیزانیت: لە نێو لیستی ناوەکاندا ناوی هەریەکە لە محەمەد باقر قاڵیباف، عەلی لاریجانی، سەعید جەلیلی، ناسر هیمەتی، موحسین ڕەزایی، مەجید ئەنساری، مێهرداد بازاڕپاش، محەمەد ڕەزا عارف، پەرویز فەتاح، محەمەد جەواد زەریف، موحسین هاشمی، مەسعوود بێژەکیان، حوسێن دێهقان و عەلیرەزا زەکانی دەبینرێت.

زانیاریی زیاتر: لە نێو لیستەکەدا ناوی جەمیلە عەلام هودا کچە گەورەکەی ئەحمەد عەلام هودا ئیمامی مەشهەد و هاوژینی ئیبراهیم ڕەئیسی دەبینرێت.

ئەوەی لە بارەیەوە دەگوترێت: میدیاکانی ئێران باس لەوەدەکەن، جەمیلە عەلام بەربژێرێکی بەهێزە و ئەگەری سەرکەوتنی هەیە.