لە بۆردوومانێکی ئیسرائیل بۆ سەر غەززە 28 کەس کوژران

ئاڤا نیوز

 

ئیسرائیل بە هەشت مووشەک کەمپێکی ئاوارەکان لە ناوچەی تەل سوڵتان لە ڕەفەح بۆردوومان کردووە کە بووەتە هۆی کوژرانی لانیکەم 28 کەس و دەیانی دیکەش بریندار بوون.

 

ڕاگەیاندنی فەرمی: ڕێکخراوی مانگی سووری فەلەستینی ڕایگەیاند ئامبوڵانسەکانی"ژمارەیەکی زۆر" لە کوژراو و برینداریان گواستوونەتەوە کە لە ناو چادرەکانیان کرابوونە ئامانجی هێرشی ئیسرائیل. 

 

ئەوەی پێویستە بیزانیت: ڕەفەح دوایەمین شاری باشووری کەرتی غەززەیە و دوایین پەناگەی ئاوارەکانی باکووری کەرتەکەیە. 

 

زانیاریی زیاتر: ئاوارە فەلەستنییەکان لە نزیک بارەگاکانی نەتەوە یەکگرتووەکان خێوەتیان هەڵداوە کە پێشتر ئیسرائیل وەک ناوچەی مرۆیی و پارێزراو ناوی بردبوو تا ئاوارەکان ڕووی تێبکەن.