لە ئیسرائیل تەقینەوە ڕووی دا

ئاڤا نیوز

پاسێک لەناو خاکی ئیسرائیل و لە ناوچەیەکی نیشتەجێبوون تەقییەوە، بەهۆیەوە کەسێک سووتاوە.

ئەوەی پێویستە بیزانیت: بەیانیی ڕۆژی دووشەممە 27-05-2024 لە یەکتربڕی وۆڵفسۆن لە نێوان تێل ئەڤیڤ و هۆڵۆن پاسێک تەقییەوە و بەهۆیەوە ئاگر کەوتەوە، کەسێک بەهۆی ئاگرەکەوە سووتاوە.

ڕاگەیێنراوی فەرمی: میدیاکانی ئیسرائیل دەڵێن هیچ زیانێکی گیانی نەبووە تەنیا پیاوێکی 60 ساڵ سووتاوە و لەلایەن تیمەکانی فریاکەوتنەوە شوێنی ڕووداوەکە چۆڵ کراوە و پۆلیس دەستی بەلێکۆڵینەوە کردووە.

زانیاریی زیاتر: تاوەکو ئێستا هۆکاری تەقینەوەی پاسەکە نەزانراوە، بەڵام میدیاکانی ئیسرائیل ئاماژە بۆ دەستی دەرەکی دەکەن.