شاندێکی هەرێمی کوردستان بۆ چارەسەرکردنی کێشەی زەوییەکانی کەرکووک دەچێتە بەغدا

ئاڤا نیوز

 

سەرۆکی دەستەی گشتیی ناوچە کوردستانییەکان ئاماژە بەوەدەدات، لە بەغدا زنجیرەیەک کۆبوونەوە بۆ چارەسەری کێشەی زەویوزارەکانی ناوچە کوردستانییەکانی دەرەوەی ئیدارەی هەرێم دەکەن.

 

وێنە گەورەکە: ساڵانە لەگەڵ هاتنی وەرزی دروێنەی دانەوێڵە سوپای عێراق و عەرەبی هاوردە ڕێگری لە جووتیارانی کوردی سنووری کەرکووک دەکەن لەوەی دروێنەی بەرهەمەکانیان بکەن، حکومەتی هەرێمی کوردستان لەسەر هێڵە و هەنگاوەکانی چارەسەری ڕیشەیی بۆ ئەو پرسە دەست پێ کردووە.

 

لێدوانی فەرمی: فەهمی بورهان، سەرۆکی دەستەی گشتیی ناوچە کوردستانییەکان بە ئاڤا نیوزی ڕاگەیاند، "لە ماوەی دوو ڕۆژدا لەگەڵ وەزیری داد، وەزیری کشتوکاڵ، لیژنە پەیوەستەکانی ئەنجوومەنی نوێنەران و ئەو لیژنەیەی بۆ چارەسەرکردنی ئەو کێشەیە پێکهێنراوە دەکەین".

 

ئەوەی پێوستە بیزانیت: شاندەکەی هەرێمی کوردستان لە نوێنەری وەزارەتی ناوخۆ و فەرمانگەی هەماهەنگی و بەدواداچوون پێکهاتووە.