بە گوژمەی 156 ملیار دینار چەندین پرۆژەی ڕێگەوبان لە پارێزگای دهۆک جێبەجێکراون

ئاڤا نیوز

 

بەڕێوەبەری گشتیی ڕێگەوبانی دهۆک ڕایدەگەیێنێت، لە کابینەی نۆیەم گرنگییەکی زۆر بەو کەرتە دراوە و بە گوژمەی زیاتر لە 156 ملیار دینار پرۆژە جێبەجێکراون.

 

لێدوانی فەرمی: شێرزاد قادر، بەڕێوەبەری گشتیی ڕێگەوبانی دهۆک بە ئاڤا نیوزی گوت: لە ساڵی 2019ـەوە تاوەکو 2022، 268 پرۆژەی ڕێگەوبان بە درێژایی 748 کیلۆمەتر بە گوژمەی 156 ملیار و 131 ملیۆن دینار لە سنووری پارێزگای دهۆک جێبەجێکراون.

 

ژمارەکان وا دەڵێن:
• لە ساڵی 2019 بە گوژمەی 15 ملیار و 975 ملیۆن دینار پرۆژە جێبەجێکراون.
• لە ساڵی 2020 بە گوژمەی زیاتر لە 37 ملیار دینار پرۆژە جێبەجێکراون.
• لە ساڵی 2021 بە گوژمەی 62 ملیار و 836 ملیۆن دینار پرۆژە جێبەجێکراون.
• لە ساڵی 2022 بە گوژمەی 40 ملیار و 153 ملیۆن دینار پرۆژە جێبەجێکراون.

 

زانیاریی زیاتر: لەبارەی ساڵی 2023ـەوە شێرزاد قادر ئاماژەی بەوەش کردووە، پرۆژەکانیان لەسەر پلانی ئەو ساڵە هێشتا بەردەوامن و لە جێبەجێکردندان، بە گشتیی گرنگییەکی زیاتر بە ڕێگەی گوندەکان دراوە بە دروستکردن و نۆژەنکردنەوە.