دوو ڕێگەی ستراتیژیی هەولێر نۆژەن دەکرێنەوە

ئاڤا نیوز

 

بە بەبڕیاری سەرۆكوەزیران بارزانی و بە گوژمەی پێنج ملیار دینار هەردوو ڕێگەی سەرەكی گوندی مامە جەلکە بۆ شەقڵاوە و هیران نۆژەن دەكرێنەوە.

 

ئەوەی پێویستە بیزانیت: ئەو ڕێگەیە گوندەكانی مامە جەلكە، بەرەكە، شەقڵاوە و هیران بەیەکەوە دەبەستێتەوە و دەگاتە پارێزگای هەولێر، بەیەكێک لە ڕێگە گرنگەكانی دەڤەرەكە دادەنرێت.

 

ڕاگەینراوەی فەرمی: ئومێد خۆشناو، پارێزگارى هەولێر بە ئاڤا نیوزی ڕایگەیاند:” لە سەر ڕاسپاردەی سەرۆکوەزیران بارزانى، لە پێناو  باشتركردنی دۆخی ڕێگاوبانەکان هەردوو ڕێگەى ستراتیژیى گوندی مامە جەلکە و شەقڵاوە – هیران نۆژەندەکرێنەوە".

 

بۆچی گرینگە: ئەم ڕێگەیە ئاسانكاری دەکات بۆ شۆفێران و نەهێشتنی جەنجاڵی شەقامە گشتییەکان و پاراستنى گیانى هاوڵاتییاندا.