سەرژمێریی ئەزموونی لە سەرتاسەری عێراق به‌رێوه‌ده‌چێت

ئاڤا نیوز

 

بڕیاره‌ هەینی داهاتوو، وەزارەتی پلاندانانی عێراق، دەست به‌ سەرژمێریی ئەزموونی لە سەرجەم پارێزگاکانی عێراق و هەرێمی کوردستان بکات. 

 

لێدوانی فەرمی: عەلی عه‌ریان ساڵح، بەڕێوەبەری جێبەجێکاری سەرژمێریی گشتی لە عێراق ڕایگەیاند، پڕۆسەی سەرژمێریی ئەزموونی بۆ ماوەی 14 ڕۆژ بەردەوام دەبێت, نزیکەی 600 توێژەر بەشداری تێدا ده‌كه‌ن.

 

گۆشه‌یه‌كی دیكه‌ی دیمه‌نه‌كه‌: فۆڕمی سەرژمێرییه‌كه‌ زیاتر لە 70 پرسیار لەخۆدەگرێت لە بوارەکانی تەندروستیی ، پەروەردە ، کار ، داهات و خزمەتگوزارییەکان.

 

زانیاریی زیاتر: وەزارەتی پلاندانانی عێراق ٢٠ی تشرینی دووه‌می داهاتووی دیاریكرد بۆ ئەنجامدانی سەرژمێریی گشتی دانیشتوان لە سه‌رتاسه‌ری عێراقدا بە هەرێمی کوردستانیشەوە.

 

ئەوەی پێویستە بیزانیت: دوایین سەرژمێریی دانیشتوانی عێراق ساڵی 1997 ئەنجام دراوە، ئەو کات ژمارەی دانیشتوانی عێراق 22.33 ملیۆن کەس بوو.