دەوڵەتی یاسا: دوور نییە موقتەدا سەدر بگەڕێتەوە ناو چوارچێوەی هەماهەنگی

ئاڤا نیوز

عەقیل فەتلاوی، گوتەبێژی هاوپەیمانی دەوڵەتی یاسا پێشبینی دەکات کە لەقۆناغی داهاتوودا موقتەدا سەدر ڕێبەری ڕەوتی نیشتمانی شیعی بگەڕێتەوە ناو چوارچێوەی هەماهەنگییەوە.

 

لێدوانی فەرمی: عەقیل فەتلاوی ڕایگەیاند: موقتەدا سەدر، ڕێبەری ڕەوتی نیشتمانیی شیعی چاودێری پێشهاتەکانی پەرلەمان دەکات، لەسەر پەسەندکردنی یاسای پشووە فەرمییەکانی عێراقیش سوپاسی پەرلەمانتارانی کرد، موقتەدا سەدر کارێکتەرێکی سەرەکیی پڕۆسەی سیاسییە لە عێراق.

 

زانیاریی زیاتر: گوتەبێژی هاوپەیمانی دەوڵەتی یاسا بەدووری نازانێت هەندێک لایەنی ناو چوارچێوەی هەماهەنگی، هاوپەیمانی لەگەڵ موقتەدا سەدر بکەن بە بەشداریی هەندێک لایەنی ناو پێکهاتەکانی دیکە.