ئەمریكا داوای لێكۆڵینەوە لە هێرشكردنە سەر كۆمپانیا ئەمریكییەكان لە عێراق دەكات

ئاڤا نیوز

 

دوای ئەوەی زنجیرەیەک هێرشكرایە سەر ژمارەیەک كۆمپانیا و خواردنگەی ئەمریكی لە عێراق ئەمریكا ئیدانەی دەكات و داوای لێكۆڵینەوە دەكات، دەڵێت "زیان بە وەربەهێنانی دەرەكی لە عێراق دەگەیەنێت". 

 

وێنە گەورەكە: لە ماوەی یەک هەفتەدا زیاتر لە پێنج هێرشكراوەتە سەر خواردنگە و كۆمپانیا ئەمریكییەكان لە عێراق، تاوەکو ئێستاش هیچ كەس بەتۆمەتی ئەو ڕووداوانە دەستگیرنەكراوە و هیچ گرووپێكیش بەرپرسیارێتیی خۆی لە ڕووداوەكان ڕانەگەیاندووە، ئەمریکا بەتووندی ئیدانەی ئەو هێرشانە دەكات.

 

ڕاگەیێنراوی فەرمی: ئەلینا ڕۆمانۆوسكی، باڵیۆزی ئەمریكا لە عێراق لە ئێكس ڕایگەیاند:”ئێمە ئیدانەی هێرشە تووندوتیژەکانی ئەم دواییە بۆ سەر کۆمپانیا ئەمریکی و نێودەوڵەتییەکان دەکەین و داوا لە حکومەتی عێراق دەکەین لێکۆڵینەوەیەکی هەمەلایەنە ئەنجام بدات و بەرپرسانی ئەو هێرشانە بگەیێننە دادگە و ڕێگری لە هەر هێرشێکی داهاتوو بکات". 

زانیاریی زیاتر: ئەلینا ڕۆمانۆوسكی نوسیویەتی: ”ئەم هێرشانە ژیان و ماڵی عێراقییەکان دەخەنە مەترسییەوە، هەروەها دەتوانێت توانای عێراق بۆ ڕاکێشانی وەبەرهێنانی بیانی لاواز بکات، ئێمە پابەند دەمێنینەوە بە هاوبەشی هەمەلایەنەی ئەمریکا و عێراق بۆ بوونیادنانی دەرفەتی ئابووری و خۆشگوزەرانی بۆ هەموو عێراقییەکان".