سەرۆکی کۆریای باکوور لە هەڵدانی مووشەکەکان دەڕوانێت- وێنە:AFP
ئاڤا نیوز
کیم جۆنگ ئون، ڕێبەری کۆریای باکوور، سەرپەرشتیی ئەنجامدانی زنجیرە تاقیکردنەوەیەکی مووشەکیی فراوانی کرد.
وێنە گەورەکە: ئاژانسی هەواڵیی فەرمیی کۆریای باکوور وێنەی ئامادەبوونی کیم جۆنگ ئونی لە شوێنی هەڵدانی مووشەکەکان بڵاو کردەوە. بە گوێرەی وێنەکان 18 مووشەک تاقیکراونەتەوە.
زانیاریی زیاتر: ڕۆژێک پێشتر کۆریای باشوور کۆریای باکووری بە تاقیکردنەوەی زنجیرەیەک مووشەکی بالیستیی کورت مەودا تۆمەتبار کردبوو.
ئەوەی پێویستە بیزانیت: ئەمریکا و کۆریای باشوور، کۆریای باکوور بە پێدانی مووشەک بە ڕووسیا بە مەبەستی بەکارهێنانی لە دژی ئۆکراینا تۆمەتبار دەکەن، کۆریای باکوور و ڕووسیاش ئەم تۆمەتانە ڕەت دەکەنەوە.
