لە ناوچە لەبیركراوەكانی بەغدا هەڵمەتی ئەمنیی دەستپێدەكات

ئاڤا نیوز  

لە چوارچێوەی هەڵمەتەکانی پاککردنەوەی ناوچەکانی بەغدای کۆن لە سەرپێچیکاران و داواکراون، بەرەبەیانی ئەمڕۆ زیاتر لە 80 کەس دەستگیرکران.

وێنە گەورەکە: لە ڕۆژی 26 مانگی ڕابردوو گەورەترین هەڵمەت بۆ دەستگیرکردنی داواکراوان و سەرپێچیکاران لە شەقام و کۆڵانەکانی بەتاوین لە سەنتەری بەغدا دەستیپێکرد و زیاتر لە 600 تۆمەتبار دەستگیرکران.

لێدوانی فەرمی:سەرچاوەیەکی ئەمنی بە میدیای عێراقیی گوتووە: بەرەبەیانی ئەمڕۆ هەینی، هەڵمەتێکی خێرای ئەمنیی لە ناوچەی باب شێخ، بە دەستگیرکردنی 82 کەس کۆتاییهات، ئەمەش لە چوارچێوەی ئەو زنجیرە هەڵمەتە ئەمنییەی ناوچە کۆن و جێهێڵراو و لەبیرکراوەکانی بەغداد زیاتر لە مانگێکە دەستیپێکردووە.

زانیاریی زیاتر: هەڵمەتەکە له درەنگانی شەودا هۆتێل و ماڵ و قومارخانەکانی ناوچەی باب شێخی کرده ئامانج و چەندین داواکراو و ئەوانەی سەرپێچی مەرجەکانی نیشتەجێبوونیان کردووە دەستگیرکران، هاوکات دەستبەسەر ماتۆڕسکیلی دزراودا گیرا.

ئەمەش بزانە:وەزیری ناوخۆی عێراق سەرپەرشتیی هەڵمەتەکە دەکات کە تێیدا بازرگانانی ماددە هۆشبەرەکان، باندی بازرگانی بە مرۆڤ، بارەگاکانی کاری لەشفرۆشی و سەرپێچیکارانی مەرجەکانی نیشتەجێبوون دەستگیر دەکرێن.

وێنەی بەشێک لە دەستگیرکراوان