گه‌ڕه‌كه‌ كۆنه‌كانی بەغدا بوونەتە قوربانیی باڵەخانەی بەرز

ئاڤا نیوز

ڕۆژنامەی ئیندیپێندنتی عەرەبی بڵاوی كردوه‌ته‌وه‌،  دروستکردنی هەڕەمەکیی باڵەخانە بەرزەکان هەڕەشە لە بیناو شوێنه‌ كۆن و کولتوورییەکانی بەغدای پایته‌خت دەکات.

وێنە گەورەکە: ڕۆژنامەکە ڕەخنەی لە بێهه‌ڵوێستیی  ئیدارە یەک لەدوای یەکەکانی بەغدا گرتووه‌ به‌رامبه‌ر بە خاپووركردنی چه‌نده‌ها خانووی كۆنی ‌كولتووری شاره‌كه‌ كه ‌مێژووی دروستكردنیان بو سه‌ده‌كانی ڕابردوو ده‌گه‌ڕێته‌وه‌.  

لێدوانی فەرمی: ته‌غلوب وائیلی ئەندازیار و دیزاینەری شارەکانی عێراق ڕایگه‌یاند: ڕێژەیەکی زۆر لە ناوچە مێژووییەکانی بەغدا کە هەزاران خانووی نەریتی و سەدان مزگەوت و و مەزارگە و بازاڕ و خان و گەرماوی مێژوویی له‌خو ده‌گرت، کراونەتە سەنتەری بازرگانی. نمونەی وەك بازاڕی کۆنی "ده‌رگای ئاغا" و "شۆریجە" دەهێنێتەوە.

زانیاریی زیاتر: لێکۆڵینەوەکان دەریدەخەن ئەوەی ماوەتەوە لە شوێنە مێژووییەکانی بەغدا ، له 15%ی  ڕووبەری شاره‌كه‌ تێناپەڕێت.

ئه‌وه‌ی پێویسته‌ بیزانیت: یونسکۆ بەکارهێنانی ڕەنگ و کەرەستەی بیناسازیی نوێی لەسەر ڕووی شوێنه‌ كو‌لتوورییه‌كان قەدەغە كردووە.