‎هونەرمەندێکی کورد لە نمایشێكی جیهانیی بەشدار دەبێت

ئاڤا نیوز

‎‎هونەرمەندێکی کورد لە تریناڵی گرافیکی نێودەوڵەتی بەشدار دەبێت، كە یەکێکە لە نمایشە جیهانییەکان و 120 هونەرمەند لە 40 وڵاتەوە بەشدار دەبن.

‎چیرۆكی سەرەكی: هونەرمەند "ئەحمەد نەبەز" لە تریناڵی گرافیکی نێودەوڵەتی وەک کوردێک بەشداری دەکات و دەڵێت "جگە لەوەی وەک هونەرمەندێکی کورد هەڵبژێردراوم، نوێنەرایەتی زانکۆی سەڵاحەدین و کۆلیژی هونەرە جوانەکانی هەولێر دەکەم".

‎ئەوەی پێویستە بیزانیت: تریناڵی گرافیکی نێودەوڵەتی،  یەکێکە لە نمایشە جیهانییەکان و سێ ساڵ جارێکە، لە شاری کراکۆڤی پۆڵەندا بەڕێوەدەچێت و بۆ ماوەی دوو مانگ باشترین پڕۆژە هونەرییە هەڵبژێردراوەکانی ئەو سێ ساڵە نمایش دەکرێن.