پێنجەمین فێستیڤاڵی فیلمی 'کۆبانێ' لە ئەڵمانیا بەڕێوە دەچێت

ئاڤا نیوز

پێنجەمین خولی فێستیڤاڵی نێودەوڵەتیی فیلمی 'کۆبانێ' لە ئەڵمانیا بەڕێوە دەچێت، فێستیڤاڵەکە بە یادی ''تەها کەریمی'' سینەماکاری کۆچکردووی کوردەوە ساز دەكرێت. 

لێدوانی فەرمی: مەنسوور جیهانی پەیامنێری سەربەخۆ و نێودەوڵەتیی سینەما بە ئاڤا نیوزی گوت: پێنجەمین فێستیڤاڵی نێودەوڵەتیی کۆبانێ بە سەرۆکایەتیی جەنکۆ شەریف بە یادی هونەرمەندی کۆچکردوو "تەها کەریمی" بەڕێوە دەچێت.

زانیاریی زیاتر: لە فێستیڤاڵەکەدا پێشبڕکێ لە نێوان چیرۆکی فیلم و دۆکیۆمێنتاری و ئەنیمەیشن دەکرێت و سینەماکاران لە سەرتاسەری جیهانەوە بەرهەمەکانی خۆیان ناردووە. 

ئەوەی پێویستە بیزانیت: فێستیڤاڵەکە لە ڕۆژانی شەش تاوەکو هەشتی مانگی ئەیلوول دەستپێدەکات و ئاسانکاری بۆ سینەماکاران کراوە و تا یەكی تەمموز دەتوانن لە ڕێگەی ئۆنلاینەوە ناو و بەرهەمەکانی خۆیان تۆمار بکەن.