شاخەوان عەبدوڵڵا: لە خشتەی بودجە مووچەی مووچەخۆرانی هەرێمی کوردستان یەکلا کرایەوە

ئاڤا نیوز

 

جێگری سەرۆکی ئەنجوومەنی نوێنەرانی عێراق ئاماژە بەوەدەدات، لە خشتەی بودجەی 2024 مووچەی مووچەخۆرانی هەرێمی کوردستان یەکلا کرایەوە.

 

وێنە گەورەکە: لە دانیشتنی ئەنجوومەنی نوێنەران بەبێ دەستکاریکردن دەنگ لەسەر ئەو خشتەیە درا کە لە ئەنجوومەنی وەزیران بۆ ئەنجوومەنی نوێنەران نێردرابوو، جارێکی دیکە خشتەکە بۆ ئەنجوومەنی وەزیران دەنێردرێتەوە.

  
لێدوانی فەرمی: د. شاخەوان عەبدوڵڵا ڕایگەیاند، "لە خشتەی بودجەی 2024 پشکی هەرێمی کوردستان زیاتر دەبێت لە %12.67، مووچەی مووچەخۆران لە ئینفاقی فعلی جیاکراوەتەوە".

 

ئەوەی پێویستە بیزانیت: بۆ هاوتاکردنی مووچەی خانەنشینان، پلە بەرزکردنەوەی فەرمانبەران و بە گرێبەستکردنی وانەبێژان دەسەڵات بە سەرۆکوەزیرانی عێراق دراوە بە  گواستنەوەی دوو تریلیۆن دینار بۆ زامنکردنی ئەو داواکارییانە.