حكومەتی عێراق 700 هەزار تۆن بەرهەمی گەنمی جووتیارانی هەرێمی كوردستان وەردەگرێت

ئاڤا نیوز

 

بێگەرد تاڵەبانی وەزیری کشتوکاڵ و سەرچاوەکانی ئاوی هەرێمی کوردستان ڕایگەیاند "حكومەتی عێراق 700 هەزار تۆن بەرهەمی جووتیارانی هەرێمی كوردستان وەردەگرێت".

 

لێدوانی فەرمی: بێگەرد تاڵەبانی، وەزیری كشتوكاڵ سەرچاوەکانی ئاوی هەرێمی كوردستان ڕایگەیاند: سوپاسی سەرۆكوەزیران بارزانی دەكەین بەبەردەوام لەگەڵماندابووە و بەردەوام پشتیوانی كردووین، حكومەتی عێراق ڕەزامەندی لەسەر وەرگرتنی 700 هەزار تۆن گەنمی جووتیاران داوە.

زانیاریی زیاتر: لە سبەینێ چوارشەممەوە، سەرجەم سایلۆكان دەرگا بۆ جووتیاران دەكەنەوە و گەنم وەردەگرن و جۆری گەنمەكان دیاری دەكەن. وەزیری كشتوكاڵ وای گوت.

وێنە گەورەكە: دوای هەوڵەکانی سەرۆکوەزیران بارزانی، سوودانی ڕەزامەندیدا لەسەر وەرگرتنی 975 هەزار تۆن گەنم لە بەرهەمی ئەمساڵی جووتیاران، بەڵام وەزارەتی کشتوکاڵی عێراق ڕەزامەندی لەسەر تەنیا 700 هەزار تۆن داوە.