هونەر حەمەجەزا: لە دەستدانی باوکم کەلێنێکی گەورەی دروستکرد

ئاڤا نیوز

هونەر حەمەجەزا لە چاوپێكەوتنێكدا لەگەڵ ئاڤا دەڵێت "لە دوای مردنی باوکم تا چەند ساڵێک خۆم نەدەدۆزییەوە".

لێدوانی تایبەت: هونەرمەند هونەر حەمەجەزا  لە بەرنامەیەکی تایبەت لە ئاڤا میدیا باسی لە دروستبوونی ئەو کەلێنە هونەرییە کرد کە لە دوای لە دەستدانی باوکی ڕووبەڕووی بووەتەوە و گووتی :" لە دوای مردنی باوکم بۆ ماوەی چەند ساڵێک لە هونەر دابڕام و نەمدەتوانی تەنانەت  هیچ ئامێرێکی میوزیکیش بژەنم ".

زانیاریی زیاتر:" هونەرمەند حەمەجەزا جگە لەوەی باوکم بوو مامۆستا و هاوڕێشم بوو، کار و هونەری کوردی لە دەنگی باوکمەوە فێری بووم، حەمەجەزا لە بواری نوسینیشدا هەمیشە جێ دەستی دیار بووە، ئەمەوێت ئەوەش بڵێم دیوانێكی باوكم بەتایبەت پێشكەشی ئاڤا میدیا دەكەم ". هونەر حەمە جەزا وای گوت.

باكگراوند: هونەر کوڕی هونەرمەندی كۆچكردوو حەمە جەزا، ساڵی 1975 لە شاری سلێمانی لە دایکبووە و بووەتە چوارەمین منداڵی خێزانەکەی کە لە چوار خوشک و برا پێکهاتوون.

ئەوەی پێویستە بیزانیت: حەمەجەزا لە ساڵی 1949  لە سلێمانی لەدایک بووە و لە یەكی تشرینی یەكەمی 2010 بەهۆی نەخۆشییەوە كۆچی دوایی كردووە.