سەرۆکوەزیرانی فەلەستین: هەڵوێستی عێراق لەبیر ناکەین

ئاڤا نیوز

ئه‌مڕۆ له‌به‌غدای پایته‌حتی عێراق، محەممەد شیاع سودانی سەرۆکوەزیرانی عێراق پێشوازی كرد له‌ محەممەد موستەفا سەرۆکوەزیرانی فەلەستین.

ئەوەی پێویستە بیزانیت: سوودانی ئامادەیی عێراقی دوپاتكرده‌وه‌ بۆ گەیاندنی هەموو جۆرە پاڵپشتییەک بۆ گەلی فەلەستین، سەرەڕای "ئەو ئاستەنگانەی ڕێگری له‌گه‌یاندنی خۆراک و پێداویستی فریاگوزاری مرۆیی" دەکەن.

لێدوانی فەرمی: محەممەد مستەفا سەرۆکوەزیرانی فەلەستین رایگه‌یاند:" مێژووی قوربانیدانی عێراقییەکان لە پێناو خاك و گه‌لی فەلەستین لەبیر ناکات" .

زانیاریی زیاتر: تا ئێستا عێراق جگە لە گه‌یاندنی پێداویستی فریاگوزاری بۆ فەلەستینییەکان ، بڕی 10 ملیۆن بەرمیل سووتەمەنی ناردووه‌.

وێنە گەورەكە: لە حەوتی ئۆكتۆبەری ساڵی ڕابردووەوە كە شەڕی نێوان ئیسرائیل و حەماس دەستی پێكردووە، عێراق پشتیوانی خۆی بۆ فەلەستین دەربڕیوە.