باندێکی گەورەی بازرگانی بە ماددەی هۆشبەر لە کەرکووک دەستگیرکران

ئاڤا نیوز

بەڕێوەبەرایەتی نه‌هێشتنی ماددە هۆشبەرەکانی کەرکووک، باندێکی گەورەی بازرگانیی و گواستنەوەی ماددەی هۆشبەریان ده‌ستگیرکرد.

زانیاریی بەدەستهاتوو: سەرچاوەیەکی ئەمنی له پارێزگای کەرکووک ئاشکرای کرد، بەڕێوەبەرایەتیی نه‌هێشتنی ماددە هۆشبەرەکانی کەرکووک لە ئۆپەراسیۆنێکی تایبەتدا توانییان باندێکی 11 کەسی دەستگیر بکەن، کە تاوانبارن بە ‌بازرگانیکردن به‌ ماددەی هۆشبەره‌وه.

ئەوەی پێویستە بیزانیت: جگە لە دەستگیرکردنی ئەو تۆمەتبارانە، بڕێک ماددەی هۆشبەریش دەستی بەسەردا گیراوە.

وێنە گەورەکە: لە عێراق بازرگانیکردن به‌ ماددە هۆشبەرەکان له‌زیادبووندایه‌، ته‌نیا له‌سه‌ره‌تای ئه‌مساڵه‌وه‌ نزیکه‌ی چوار هه‌زار تۆمەتبار به‌و ماددانه‌ دەستگیرکراون کە بەشێکیان بازرگان بوون.