سەربازێکی جەنگی جیهانیی دووەم لە تەمەنی 100 ساڵی هاوسەرگیری دەکات

ئاڤا نیوز

 

سەربازێکی دێرینی جەنگی جیهانیی دووەم لە 80ـیەمین ساڵیادی 'دابەزینی نۆرماندی'ـدا هاوسەرگیری دەکات. 

 

وێنە گەورەکە: هارۆڵد تێرێنس، تەمەن 100 ساڵ، لەگەڵ جین سوێرلین دەستگیرانە 96 ساڵییەکەی، لە شارۆچکەی کارێنتان لێس مارایس لە فەرەنسا هاوسەرگیری دەکەن.

 

ئەوەی پێویستە بیزانیت: چەند ڕۆژێک لەمەوبەر ڕێزلێنان پێشکەش بە هارۆڵد کرا، لەبەرامبەر ئەوەی یەکێک بووە لەو سەربازانەی ساڵی 1944 لە کەناراوەکانی فەرەنسا دابەزین و بوونە هۆی سەرکەوتنی هاوپەیمانان و شکستی ئەڵمانیای نازی و کۆتاییهاتنی جەنگی جیهانیی دووەم.  

 

زانیاریی زیاتر: دوای جەنگی جیهانی، هارۆڵد لەگەڵ سێملا هاوسەرگیری کرد و بۆ ماوەی 70 ساڵ پێکەوە ژیان و 3 منداڵیان گەورە کرد. سێملا ساڵی 2018 کۆچی دوایی کرد و ساڵی 2021، هارۆڵد و جین پێکەوە ئاشنا بوون و ئێستا هاوسەرگیری دەکەن، ئەوان لە فلۆریدای ئەمریکا دەژین. 

 

لێدوانی فەرمی: هارۆڵد گوتوویەتی "جین ژیانی منی ڕووناک کردووەتەوە، ئەو هەموو شتێکی جوان کردووە و مانای بە ژیان بەخشیوە." جینیش گوتوویەتی "هارۆڵد پیاوێكی زۆر چاکە."