پارتی بۆ بەشداریکردن لە هەڵبژاردن ناوی خۆی تۆمارکرد

ئاڤا نیوز

 

پارتی دیموکراتی کوردستان وەکو حیزب بۆ بەشداریکردن لە هەڵبژاردنی پەرلەمانی کوردستان ناوی خۆی تۆمار دەکات.

 

وێنە گەورەکە: پارتی پێشتر تێبینی لەسەر بەڕێوەچوونی هەڵبژاردن هەبوو، لە دیارترینیشیان بڕیاری لابردنی کورسی پێکهاتەکان بوو، بەمشێوەیە ئامادەی بەشداریکردن نەبوو، بەڵام ئێستا بەشێکی تێبینییەکانی جێبەجێ کراون.

 

لێدوانی فەرمی: جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی گوت: پارتی داواکەی پێشکەشی کۆمیسیۆن کردووە.

 

لەلایەکی دیکەوە: سائیب هەرنی، ئەندامی دەزگای هەڵبژاردنی پارتی بە ئاڤا نیوزی گوت؛ هەوڵ دەدەین پێش 13ی مانگ لیستی کاندیدەکانمان پێشکەش بکەین.

 

ئەوەی پێویستە بیزانیت: دوێنێ بۆ دووەمجار کۆمیسیۆن دەرگای خۆتۆمارکردنی بۆ حیزب و هاوپەیمانی و کاندیدە سەربەخۆکان کردەوە  و تاوەکو 13ـی ئەم مانگە بەردەوام دەبێت.