ئانۆ جەوهەر: سەنتەری ئیگڵ دەبێتە تەواوکەری بەڕێوەبەرایەتییەکانی پۆستە و گەیاندن

ئاڤا نیوز

وەزیری گواستنەوە و گەیاندنی حکومەتی هەرێمی کوردستان ڕایگەیاند، بەڕێوەبەرایەتییەکانی پۆستە و گەیاندن لە کارەکانیان بەردەوام دەبن.

وێنە گەورەکە: سەنتەری ئیگڵ پۆست لە هەرێمی کوردستان بۆ ئاڵوگۆڕی پۆستە لەسەر ئاستی ناوخۆ و نێودەوڵەتی کرایەوە، لە سەرجەم پارێزگاکانی هەرێمی کوردستان نووسینگەی دەبێت.

لێدوانی فەرمی: ئانۆ جەوهەر، وەزیری گواستنەوە و گەیاندن بە ئاڤا نیوزی گوت: "بەڕێوەبەرایەتییەکانی پۆستە و گەیاندن لە کارەکانیان بەردەوام دەبن،  لەگەڵ سەنتەری ئیگڵ هەردوولا تەواوکەری یەکتر دەبن".

گۆشەیەكی دیكە: سەرۆکوەزیران بارزانی، لە کاتی کردنەوەی سەنتەری ئیگڵ پۆست ئاماژەی بەوەدا "پێویستە ئەدرێس لە هەرێمی کوردستان بە سیستەم ڕێکبخرێتەوە، وەزارەتی گواستنەوە و گەیاندن ڕێکارەکانی بە هەماهەنگی وەزارەتی ناوخۆ و شارەوانی و وەزارەتەکانی دیکەی پەیوەست دەستپێکردووە و بەردەوامن".