سێ هەزار و 200 وێنەی سەردەمی قاجارییەکان بڵاودەکرێنەوە

ئاڤا نیوز

کەسێکی نەناسراو لە گووگڵ زیاتر لە سێ هەزار و 200 وێنەی سەردەمی قاجارییەکان بڵاودەکاتەوە.

چیرۆکی سەرەکی: وێنەکان بە ناونیشانی 'بۆ هەوادارانی مێژوو، تەنها شەیری بکە ' بڵاوکراونەتەوە. مێژووەکەیان بۆ 180 ساڵ پێش ئێستا دەگەڕێتەوە، تایبەتن بە کۆبوونەوەی کەسانی سیاسی و دیوەخانی ژنان و سەردانە سیاسییەکانی سەردەمی قاجارییەکان.

ئەوەی پێویستە بیزانیت: خاوەندارییەتی وێنەکان بۆ کۆشکی گوڵستان دەگەڕێتەوە، کە کۆشکێکی کۆنی سەردەمی قاجارییەکانە، گەورەترین ئەلبوومخانەی ئێران و یەکێک لە گەورەترین ئەلبوومخانەکانی جیهانە، بەڵام  ئەو کەسەی وێنەکانی بڵاوکردووەتەوە کەسێکی نەناسراوە.

 بڵاوکراوەی فەرمی: کۆشکی گوڵستان لە  ڕوونکردنەوەیەکدا ڕایگەیاند، دزین یاخوود ونبوون لە ئەلبوومخانەکەیان ڕووینەداوە و خۆیان وێنەکانیان بڵاوکردووەتەوە بە کۆپی. 

بۆچوونی بەرامبەر:  مێژووناسان لە دوای ڕوونکردنەوەکە ڕەتیی دەکەنەوە وێنەکان کۆپی بن و دەڵێن وێنەی ئەو سەردەمەن.