وەزیری نەوتی عێراق: گفتوگۆکانی هەولێر و بەغدا لەبارەی نەوت بەرەوپێش چوونە

ئاڤا نیوز

 

وەزیری نەوتی عێراق ڕایگەیاند، گفتوگۆكانی نێوان عێراق و هەرێمی كوردستان لەسەر پرسی نەوت پێشكەوتنیان بەخۆیەوە بینیوە.

 

وێنە گەورەكە: شاندێكی هەرێمی كوردستان لە بەغدان بۆ گفتوگۆكردن لەسەر چەند پرسێک، گرنگترینیان پرسی هەناردەكردنەوەی نەوتی هەرێمی كوردستانە و تاڕادەیەكی زۆر پێشكەوتن لە گفتوگۆكاندا هەیە.

 

لێدوانی فەرمی: حەیان عەبدولغەنی، وەزیری نەوتی عێراق بە ڕۆیتەرزی ڕاگەیاندووە: "پێشكەوتن لە گفتوگۆكاندا بەدی هاتووە سەبارەت بە هەناردەكردنەوەی نەوتی هەرێمی كوردستان".

 

بۆچوونی لایەنی بەرامبەر: مایێلز كاكێنز، گوتەبێژی كۆمەڵەی پیشەسازیی نەوتی كوردستان بە ئاڤا نیوزی ڕاگەیاند: "پێشوازی لە هەر بەرەو پێشچوونێک دەكەین لە پەیوەندییەكانی نێوان هەولێر و بەغدا لەبارەی پرسی هەناردەكردنی نەوت".