دوای 18 ساڵ ئەردۆغان سەردانی جەهەپە دەکات

ئاڤا نیوز

 

دوای 18 ساڵ لە ساردی و ئاڵۆزیی پەیوەندی نێوان جەهەپە و ئاکپارتی، ڕەجەب تەیب ئەردۆغان، سەرۆککۆماری تورکیا و کەسی یەکەمی ئاکپارتی سەردانی جەهەپەی کرد.

 

وێنە گەورەکە: هەواڵی کۆبوونەوەی نێوان ئەردۆغان و ئۆزگور ئۆزال، سەرۆکی جەهەپە بابەتی گەرمیی میدیاکانی تورکیایە و بە سەردانێکی مێژوویی ناوی دەبەن.

 

بۆچی گرنگە: جەهەپە و ئاکپارتی دوو پارتی سەرەکیی تورکیان و لە ڕکابەرییەکی تووندان، ئەم سەردانە وەک دەسپێشخەرییەک بۆ دووبارە دروستکردنەوەی پەیوەندییەکانی نێوان ئەو دوو پارتەیە.

 

ئەوەی لەبارەیەوە دەگوترێت: ئەم سەردانە بە مانای دانانی ستراتیژییەکی نوێیە بۆ سیستەمی بەڕێوەبردنی کارەکانی دەوڵەت.

 

زانیارییە بەدەستهاتووەکان: ئۆزگور کەرەبات، پەرلەمانتاری  جەهەپە بە ئاڤا نیوزی گوت: وەک هەر پارتێکی ئۆپۆزیسیۆن و دەسەڵاتی کۆدەبینەوە و ئەمە بە مانای نزیکبوونەوەی تەواوەتی نایەت.

 

باکگراوند: ئەمە یەکەمجار نییە ئەم دوو پارتە کۆدەبنەوە، لە ماوەی ڕابردووشدا جەهەپە سەردانی ئاکپارتی کردووە و داواکاری خۆی بە سەرکردایەتی پارتەکە گەیاندووە.