"بەهۆی بوونی تیرۆر و ڕفاندن سەردانی عێراق مەکەن"

ئاڤا نیوز

 

باڵیۆزخانەی ئەمریکا  لە عێراق هۆشدارییەکی بڵاوکردووەتەوە سەبارەت بە هێرشەکانی ئەم چەند هەفتەیەی ڕابردوو بۆسەر براندە ئەمریکییەکان لە بەغدا.

 

وێنە گەورەکە: لەماوەی سێ هەفتەی ڕابردوودا چەندین هێرش کراونەتە سەر خواردنگەی KFC و چەند بڕاندێکی ئەمریکی لە بەغدا. ئەمریکا گرووپە چەکدارەکانی حەشدی شەعبی بەو هێرشانە تۆمەتبار دەکات و عێراقیش ڕەتی دەکاتەوە.

 

ڕاگەیێنراوی فەرمی: باڵیۆزخانەی ئەمریکا لە بەغدا کەمێک لەمەوبەر هۆشداری بە هاووڵاتییانی دەدات نزیکی ئەو شوێنانە نەکەون کە وا هەست دەکرێت شوێن و بنکەی بازرگانی بن. هەروەها داوا لە هاوڵاتییانی ئەمریکی دەکرێت سەردانی عێراق نەکەن بەهۆی تیرۆر، ڕفاندن، ململانێی چەکداریی و نا ئارامی کۆمەڵایەتی.

 

باکگراوند: لە ماوەی ڕابردوودا بە تۆمەتی هاوکاریکردنی ئیسرائیل دژی حەماس، گرووپە چەکدارەکانی عێراق هێرشیان کردووەتە سەر چەند لقێکی چێشتخانەی KFC, چیلی هاوس، و پەیمانگایەکی بەریتانی و داوا دەکرێت بایکۆتی ئەم شوێنانە بکرێت لە سەرانسەری عێراق.