شاندی ئێران بەسەرۆکایەتیی  عەلی باقری کنی گەیشتە بەغدا

ئاڤا نیوز

 

عەلی باقری کنی، سەرپەرشتیاری کاروباری وەزارەتی دەرەوەی ئێران بەسەرۆکایەتیی شاندێک گەیشتە بەغدا و ژمارەیەک دیدار و کۆبوونەوەی لەگەڵ بەرپرسانی باڵای عێراق دەبێت.

 

ئەوەی پێویستە بیزانیت: یەکەم وێستگەی سەردانەکەی عەلی باقری کنی، سەردانی شوێنی کوژرانی قاسم سولەیمانی، فەرماندەی پێشووی فەیلەقی قودسی ئێران بوو لە نزیک فڕۆکەخانەی بەغدا کە لە ساڵی 2020 لەلایەن ئەمریکاوە کرایە ئامانج.

 

زانیاریی زیاتر: عەلی باقری کنی له‌گه‌ڵ هه‌ریه‌ك له‌ سه‌رۆككومار، سه‌رۆكوه‌زیران، سەرۆکایەتیی په‌رله‌مان، سه‌رۆكی ده‌سته‌ی دادوه‌ری و چه‌ند كه‌سایەتییه‌كی سیاسی كوببێته‌وه‌.

 

بابەتە ستراتیژییەکان: لە کۆبوونەوەکاندا فراوانکردنی پەیوەندییه ستراتیژییەکان، بەرژەوەندییە هاوبەشەکان، ڕووبەڕووبوونەوەی ئاستەنگ و هەڕەشە ئەمنییەکان و ئاسایشی ناوچەکە لە نێوان ئێران و عێراق تاوتوێ دەکرێن.

 

لەلایەکی دیکەوە: بڕیارە سبەی هەینی عەلی باقر کنی سەردانی هەولێر بکات و لەگەڵ هەریەک لە سەرۆک بارزانی، نێچیرڤان بارزانی و سەرۆکوەزیران بارزانی کۆببێتەوە و دواتر سەردانی سلێمانیش دەکات و لەگەڵ بافڵ تاڵەبانی و قوباد تاڵەبانی کۆدەبێتەوە.