پارێزگاری هەولێر: ئاسانكاری بۆ هاتنی گەشتیاران دەكەین

ئاڤا نیوز

پارێزگاری هەولێر ڕایگەیاند، ئامادەكارییان كردووە بۆ پێشوازی كردن لە جەژنی قوربان و لە بازگەكانیش ئاسانكاریی بۆ گەشتیاران دەكرێت.

وێنە گەورەكە: بەبۆنەی جەژنی قوربانەوە، گەشتیارێكی زۆر ڕوو لە هەرێمی كوردستان دەكەن، پارێزگاری هەولێر سەردانی بازگەی شێراوای كرد و گوتی،:هیچ كەس لە بازگەكان ڕێگری لێناكرێت و ئاسانكاری دەكرێت بۆ گەشتیاران.

لێدوانی فەرمی:ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا لە بازگەی شێراوا ڕایگەیاند: نزیكەی 100 هەزار گەشتیار تەنیا لە ڕۆژی هەینیدا لە بازگەی شێراواوە سەردانی پارێزگای هەولێریان كرووە.

ئەوەی پێوستە بیزانیت: بەشێكی زۆر لە گەشتیارەكانی هەرێمی كوردستان لە خواروو و ناوەڕاستی عێراقەوە سەردانی هەرێمی كوردستان دەكەن لە بازگەی شێراوا دەچنە هەولێرەوە.