لە پارێزگایەکی عێراق 20 هەزار کەس کارەکانیان لەدەست دەدەن

ئاڤا نیوز 

بەهۆی بڕیارێكی حکومەتی عێراق، بە پڕ کردنەوەی ئەو حەوزە ماسییانەی ئاوەکانیان لە ئاوەڕۆی ڕووبارەکان دابین دەکەن، نزیکەی 20 هەزار کرێکار کارەکانیان لەدەستداوە.

وێنە گەورەکە: ساڵی ڕابردوو، وەزارەتی سەرچاوەکانی ئاو عێراق، بڕیاریدا ئەو حەوزانەی بێ مۆڵەتن و ئەوانەی لە ئاوی ئاوەڕۆی ڕووبارەکان ئاوی حەوزەکانیان دابین دەکەن پڕ بکاتەوە.

لێدوانی فەرمی: ئەیاد تاڵبی، سەرۆکی کۆمەڵەی بەرهەمهێنەرانی ماسی لە عێراق ڕایگەیاند: ئەو بڕیارەی وەزارەتی سەرچاوەکانی ئاو هۆکاری بێکاربوونی 10 بۆ 20 هەزار کرێکارە لە پارێزگای بابل.

زانیاریی زیاتر: خستنەڕووی ماسی کەمی کردووە، ئەمەش نرخی بەرزدەکاتەوە لە کاتێکدا کە خواست لەسەر ئەو بەرهەمە زۆرە و ڕەنگە نرخی هەر کیلۆیەک بۆ 15 هەزار دینار بەرز ببێتەوە. ئەیاد تاڵبی ئەوەشی گوت.