ڤەنزوێلا لە بەرهەمهێنانی یەک ملیۆن بەرمیل نەوت لە ڕۆژێکدا نزیک دەبێتەوە

ئاڤا نیوز

 

ڤەنزوێلا کە زۆرترین یەدەگی نەوتی هەیە لە جیهاندا، دوای سزا ئابوورییەکانی ئەمریکا بۆ یەکەمجار ئاستی بەرهەمهێنانی لە یەک ملیۆن بەرمیل نەوت لە ڕۆژێکدا نزیک دەبێتەوە.

 

وێنە گەورەکە: سەرەڕای سزا ئابوورییەکانی ئەمریکا بۆ سەر ئەو وڵاتە، ماوەی شەش مانگە ئاستی بەرهەمهێنانی نەوت تەواو دابەزیوە، بەڵام دوای ئەوەی کۆمپانیای زەبەلاحی وزەی ئیسپانی ڕێپسۆل مۆڵەتی لە ئەمریکا وەرگرتەووە بۆ بەردەوامبوون لە کارەکانی لە ڤەنزوێلا ، ئاستی بەرهەمهێنانی بە ڕێژەیەکی بەرچاو زیادی کرد.

 

ڕاگەێینراوی فەرمی: پێدرۆ تێلێچیا، وەزیری نەوتی ڤەنزوێلا کە لە هەمانکاتدا سەرۆکی کۆمپانیای گەورەی بەرهەمهێنانی نەوتی پترۆلیۆسە ڕایگەیاندووە، گەشبینە بەوەی بەرهەمهێنانی نەوتی ڤەنزوێلا بەمنزیکانە بگاتە یەک ملیۆن بەرمیل لە ڕۆژێکدا، ئەمەش بەشێکی دەگەڕێتەوە بۆ ڕێککەوتنەکەی لەگەڵ کۆمپانیای ڕێپسۆل.

 

پێدراوە ڕاستەکان: بەپێی ئاماری ڕێکخراوی وڵاتانی هەناردەکاری نەوت (ئۆپیک)، بەرهەمهێنانی نەوت لە ڤەنزوێلا تاوەکو کۆتایی مانگی ئایار گەیشتووەتە 910 هەزار بەرمیل لە ڕۆژێکدا.

 

باکگراوند: بەرهەمهێنانی نەوت لە ساڵی 2008 گەیشتە لووتکە لە ڤەنزوێلا و بڕی 3 ملیۆن و 500 هەزار بەرمیل نەوت بەرهەمهێنرا، بەڵام دوای چەندین ساڵ لە خراپبەڕێوەبردن و سزا تووندەکانی ئەمریکا کەمبووەوە.