گەورەترین خۆپیشاندان دژی ڕاستڕەوەكان لە فەڕەنسا بەڕێوەچوو

ئاڤا نیوز

 

زیاتر لە پەنجا هەزار كەس لە پاریسی پایتەختی فەڕەنسا ڕژانە سەر شەقامەكان و دژی ڕاستڕەوە تووندڕەوەكان خۆپیشاندانیان كرد.

 

وێنە گەورەكە: لە هەڵبژاردنەكانی پەرلەمانی ئەوروپا، زۆربەی ڕاستڕەوەكان توانییان زۆرترین كورسی بەدەستبهێنن، ئەمەش نیگەرانی گەورەی دروستكرد، فەڕەنسا پەڕلەمانی وڵاتەكەی لەبەر ئەو هۆكارە هەڵوەشاندەوە و  ئێستاش لە پاریس گەورەترین خۆپیشاندان دژی ڕاستڕەوەكان بەڕێوەدەچێت.

 

ئەوەی پێویستە بیزانیت: سەرجەم چین و توێژە جیاوازەكان بە هاوكاری حزبە چەپەكان لەسەر شەقامەكان دروشم دژی ڕاستڕەوەكان دەڵێنەوە و داوادەكەن دەسەڵات نەگرنە دەست.

 

بۆچی گرنگە: ئەوروپا نزیكەی شەش ملیۆن پەنابەری تێدایە، بردنەوەی ڕاستڕەوەكان كاریگەری گەورەی لەسەر ژیانی پەنابەرەكان دەبێت و پێدەچێت یاسای قورس دژیان دەربكرێت،ئەمەش نیگەرانی گەورەی لێكەوتووەتەوە.