لە عێراق گۆڕانی ئاو و هەوا خەڵک ناچار دەکات لە گوندەوە ڕوو لە شار بکەن

ئاڤا نیوز 

گۆڕانی ئاو وهەوا زیانێکی زۆری بە هاووڵاتییانی عێراقی گەیاندووە، تەنیا لە سێ ساڵی ڕابردوودا زیاتر لە 12 هەزار خێزان لە پارێزگاکانی ناوەڕاست و باشووری عێراق ئاوارەبوون.

 

وێنە گەورەکە: نەتەوە یەکگرتووەکان ڕۆژی 17ی حوزەیرانی هەموو ساڵێکی بە ڕۆژی بەرەنگاربوونەوەی دیاردەی بە بیابانبوون و وشکەساڵی لە سەرتاسەری جیهان دیاریکردووە.

لێدوانی فەرمی: فازڵ غەرراوی، سەرۆکی سەنتەری ستراتیژی بۆ مافەکانی مرۆڤ لە عێراق بە ئاڤا نیوزی گوت: "نەتەوە یەکگرتووەکان عێراقی لەنێو پێنج زەرەرمەندترین وڵاتدا پۆلێن کردووە کە بەهۆی گۆڕانی ئاو وهەوا و وشکەساڵییەوە زیانی زۆریان پێگەیشتووە.

 

زانیاریی زیاتر: غەرراوی داوا دەکات سیاسەتێکی نیشتیمانی ڕابگەیێنرێت بۆ هەڵمەتی چاندنی درەخت و سەوزکردنی ناوچە جۆراوجۆرەکان لەپێناو بەرەنگاربوونەوەی بە بیابانبوون و وشکەساڵی.

 

ئەوەی پێویستە بیزانیت: بەپێی ڕاپۆرتێکی ڕێکخراوی کۆچی نێودەوڵەتی، لە سێ ساڵی ڕابردوودا 12 هەزار و 212 خێزانی عێراقی بەهۆی وشکەساڵییەوە لە 10 پارێزگا ئاوارەبوون،لەنێو ئەو پارێزگایانەی زۆرترین زیانیان بەرکەوتووە، پارێزگاری زیقار، میسان و دیوانییەن و لە 76٪ خێزانە ئاوارەبووەکان دەچنە شارەكان.