هونەرمەند زاهیر عەبدوڵڵا بۆ چارەسەر سەردانی تورکیا دەکات

ئاڤا نیوز 

 

هونەرمەند زاهیر عەبدوڵڵا، دوای تووشبوونی بە نەخۆشیی شێرپەنجە، بۆ چارەسەری نەخۆشییەکەی سەردانی تورکیا دەکات.

 

لێدوانی فەرمی: شیرین سابیر، خێزانی هونەرمەند بە ئاڤانیوزی ڕاگەیاند: لە دوای سەردانیکردنمان بۆ لای چەند پزیشکێک و بە ڕاوێژی ئەو پزیشکانە بڕیارمان دا بۆ چارەسەری نەخۆشییەکەی بیبەینە وڵاتی  تورکیا، چونکە دەبێت بەزووترین کات چارەسەر بکرێت لەبەر ئەوەی توانای ڕۆشتنی نەماوە.

 

لەلایەکی دیکەوە: بۆ دووەمین جارە ئەم جۆرە گرێیە دروست ببێت لە ناو جەستەی هونەرمەند زاهیر عەبدوڵڵادا، ئەم جۆرە گرێیە دەبێتە هۆکاری ناهاوسانگی جەستە و سەرئێشان و چەند نیشانەیەکی دیکە.

 

ئەوەی پێویستە بیزانیت: حکومەتی هەرێمی کوردستان لە ڕێگەی وەزارەتی ڕۆشنبیری و پارێزگاری هەولێرەوە لەسەر هێڵە و ئامادەیی دەربڕیوە بۆ هەموو هاوکارییەک بەمەبەستی چارەسەری نەخۆشییەکەی.