دوو ڕاپرسی؛ پارتی کرێکارانی بەریتانیا سەرکەوتنێکی مێژوویی بەدەست دەهێنێت

ئاڤا نیوز

دوو ڕاپرسی سەرتاسەری پێشبینی دەکەن، پارتی کرێکارانی بەریتانیا لە هەڵبژاردنی مانگی داهاتوودا لە کۆی  650 کورسی،  425 بۆ 516 کورسی بەدەست بهێنێت.

وێنە گەورەکە: مانگی داهاتوو هەڵبژاردنی گشتی لە بەریتانیا دەکرێت، دوو دوایین ڕاپرسی سەرتاسەری کە لەلایەن یوگۆڤ و ساڤانتا کراون، پێشبینی دەکەن پارتی کرێکاران ژمارەیەکی پێوانەیی کورسییەکان بەدەست بهێنێت و پارتی پارێزگارانیش تووشی شكستێکی مێژوویی ببێت.

زانیاریی زیاتر:  دوو ڕاپرسییەکە دەریدەخەن پشتیوانی لە پارتی پارێزگاران  کە لە ساڵی 2010ەوە دەسەڵاتدارە،  بۆ ئاستێکی بێوێنە دابەزیوە، یەکێک لە ڕاپرسییەکان مەزەندەی کردووە تەنیا 53 کورسی بەدەست بهێنێت.

ئەوەی پێشبینی دەکرێت: ڕاپرسییەکەی ساڤانتا و بەشی هەڵبژاردنەکانی دەیلی تەلەگراف پێشبینی ئەوەیان کردووە ڕیشی سووناک، سەرۆکوەزیرانی بەریتانیا کورسییەکەی لەدەست بدات.