به‌تۆمه‌تی گه‌نده‌ڵی چه‌ند بەرپرسێك لە پاڵاوگەی بێجی دەستگیرکران

ئاڤا نیوز

 

به‌تۆمه‌تی گه‌نده‌ڵی دەستەی دەستپاکیی عێراق فەرمانی دەستگیرکردنی بۆ سەرۆک و ئەندامانی لیژنەی جێبەجێکردنی پاڵاوگەی بێجی ده‌ركرد .

 

ڕاگەیێنراوی فەرمی: دەستەی دەستپاکی عێراق ڕایگەیاند: له‌ ئه‌نجامی لێکۆڵینەوه‌ و کۆكردنه‌وه‌ی زانیاری، ئاشکرابوو لیژنەکە چه‌ندین پسوولەی ساختەیان بۆ کڕینی کەرەستەی میوانخانه‌ی پاڵاوگەکە به‌كارهێناوه لە لیسته‌كانی هەژماری کڕیندا .

 

زانیاریی زیاتر: لیژنەکە له‌ سه‌رۆك و چوار ئه‌ندام پێکهاتووە، هه‌موویان فەرمانبەری  هه‌میشه‌یین له‌ وەزارەتی نەوتی عێراقدا .

 

ئه‌مه‌ش بزانه‌: پاڵاوگەی بێجی دەکەوێتە پارێزگای سەڵاحه‌دین، لە ساڵی 1978 دامەزراوە و یەکێک لە پاڵاوگە گەورەکانی عێراقە.