کەسێک بەتۆمەتی سووتاندنی بازاڕی قەیسەریی هەولێر دەستگیر دەکرێت

ئاڤا نیوز 

 

پارێزگاری هەولێر ڕایدەگەیێنێت، کەسێک بەتۆمەتی سووتاندنی بازاڕی قەیسەریی هەولێر دەستگیر کراوە و لەژێر لێکۆڵینەوەدایە، بەم نزیکانەش چیرۆکی ڕاستەقینەی ڕووداوەکە ئاشکرا دەکرێت. 

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا ڕاگەیاند، لە سەرجەم ڕووداوەکانی ئاگرکەوتنەوە لە هەولێر، تەنها لێکۆڵینەوە لە سێ ڕووداویان بەردەوامە، ئەوانیش؛ بازاڕی قەیسەری، لەنگە و تاوەرەکانی تولیپ.

 

بابەتی سەرەکی: ئومێد خۆشناو ئاماژەی بەوەش کرد لێکۆڵینەوەکان لە قۆناغی کۆتاییدان، "دەزانین هۆکاری سووتانی بازاڕی قەیسەری چییە، کەسێک دەستگیر کراوە کە تاوانەکەی کردووە و لە ماوەیەکی زۆر نزیکدا هۆکارەکەی ئاشکرا دەکرێت".

باکگراوند: شەوی پێنجی ئایاری 2024 ئاگر لە بازاڕی قەیسەریی هەولێر کەوتەوە و 228 دووکان و حەوت کۆگا سووتان.