کارەبای کارگەکانی هەرێمی کوردستان ڕادەگیرێت

ئاڤا نیوز

 

وەزارەتی کارەبای حکومەتی هەرێمی کوردستان ڕایگەیاند، کارەبای کارگە و شوێنی دیکە بۆ دابینکردنی کارەبای نێو هۆڵەکانی تاقیکردنەوەی پۆلی 12 ڕاگیراوە.

 

وێنە گەورەکە: وەزارەتی کارەبا و پەروەردە ماوەی مانگێکە پلانی دابینکردنی کارەبای نیشتیمانیی دوو هەزار 115 هۆڵی تاقیکردنەوەیان هەیە.

 

لێدوانی فەرمی: "200 مێگاوات لە کارەبای کارگەکانی چیمەنتۆ و شیش ڕاگیرا، 150 مێگاواتیش لە پڕۆژەی کارەبای دووکان و دەربەندیخان خرایە نێو سیستم تا توانرا کارەبای هەموو هۆڵەکان دابین بکرێت". ئومێد ئەحمەد، وتەبێژی وەزارەتی کارەبا وای بە ئاڤا نیوز گوت.

 

زانیاریی زیاتر: "هەر گەڕەکێک هۆڵی تاقیکردنەوەی لێبێت، تا کۆتاییهاتنی تاقیکردنەوەکان کارەبای ئەو گەڕەکەش دەبێت". ئومێد ئەحمەد ئەمەشی گوت.