هۆڵەندا خواستی فراوانکردنی پەیوەندییەکانی لەگەڵ هەرێمی کوردستان دەردەبڕێت

ئاڤا نیوز

 

باڵیۆزی هۆڵەندا لە عێراق لە کۆبوونەوەی لەگەڵ سەرۆکوەزیران بارزانی، خواستی وڵاتەکەی بۆ برەودانی زیاتر بە پەیوەندییەکان لەگەڵ هەرێمی کوردستان دووپات کردەوە.

 

وێنە گەورەکە: سەرۆکوەزیران بارزانی ئەمڕۆ دووشەممە پێشوازی لە هانس ساندی، باڵیۆزی شانشینی هۆڵەندا لە عێراق کرد کە بە بۆنەی کۆتاییهاتنی ئەرکەکەی سەردانی کرد بوو.

 

ڕاگەیێنراوی فەرمی: سەرۆکوەزیران بارزانی، سوپاسی باڵیۆزی هۆڵەندای کرد بۆ هەوڵ و کارکردنی لەپێناو پەرەپێدانی زیاتری پەیوەندییەکانی دوو لایەنە، پشتیوانیی بەردەوامیی ئەو وڵاتە لە شەڕی ڕووبەڕووبوونەوەی داعش و پشتگیریکردنی چاکسازییەکانی حکومەتی هەرێمی کوردستان لە بواری هەمەجۆرکردنی ئابووری و بەتایبەتی کەرتی کشتوکاڵ.

 

لەلایەکی دیکەوە: باڵیۆزی هۆڵەندا، ئاماژەی بە پەیوەندیی بەهێزی نێوان هەرێمی کوردستان و هۆڵەندا کرد كە قەبارەی ئاڵۆگۆڕی بازرگانی لە نێوان هەردوولادا دوو هێندە زیاتر بووە، خواستی وڵاتەکەشی بۆ برەودانی زیاتر بە پەیوەندییەکان لەگەڵ هەرێمی کوردستان دووپات کردەوە. 

 

گۆشەیەکی دیکە: دوایین گۆڕانکاری و پەرەسەندنەکانی دۆخی گشتیی عێراق و ناوچەکە و گرنگیی ئەنجامدانی هەڵبژاردنی پەرلەمانی کوردستان لە کاتێکی گونجاوی ئەمساڵدا، تەوەرێکی دیکەی گفتوگۆکان بوو.