زانكۆی ڕاپەڕین کار بۆ كردنەوەی بەشی خوێندنی ئیسلامی دەكات

ئاڤا نیوز

 

زانكۆی راپەڕین ئامادەكاری بۆ ساڵی ئاییندەی خوێندن دەکات و بەشی خوێندنی ئیسلامی لە زانکۆکە دەکاتەوە.

 

بۆچی گرنگە: کردنەوەی ئەم بەشە، ئاسانکاری زیاتر بۆ قوتابیانی خوازیاری بەشی خوێندنی ئیسلامی دەکات، بۆ خوێندن لەو بەشە لە سنووری ناچەکانی خۆیاندا.

 

ڕاگەیێنراوی فەرمی: ئەنجوومەنی زانكۆی ڕاپەڕین ڕایگەیاند: لە دوایین كۆبوونەوەدا بڕیار دراوە، دەست بە ئامادەكارییەكان بکەن بۆ كردنەوەی بەشی خوێندنی ئیسلامی لە کۆلێژی زانستە مرۆڤایەتییەكان لە زانكۆی ڕاپەڕین.

 

زانیاریی زیاتر: زانکۆکە لەڕێگەی لیژنەی زانستی و كۆلێژی زانستە مرۆڤایەتییەكانەوە دەست بە ئامادەكارییەكان دەکات بۆ ئەوەی بتوانرێت بۆ ساڵی ئاییندەی خوێندن (2024 – 2025) لە بەشەكە قوتابی وەربگیرێت.

 

باکگراوند: زانکۆی ڕاپەڕین زانکۆیەکی حکومییە لە هەرێمی کوردستان و لە ساڵی 2010ـەوە دامەزراوە؛ دوو کەمپی هەیە، کەمپی سەرەکی لە ڕانیەیە و کەمپی دووەمیش لە قەڵادزێیە.