ئەمساڵ بەردی بناغەی کەمپەسی زانکۆی سەڵاحەدین دادەنرێت

ئاڤا نیوز

 

بڕیارە ئەمساڵ بەردی بناغەی کەمپەسی زانکۆی سەڵاحەدین دابنرێت و هەر 16 کۆلێژی زانکۆکە لەخۆ بگرێت.

 

وێنە گەورەکە: کەمپەس ڕووبەرێکی فراوانە هەموو کۆلێژەکانی زانکۆیەک کۆدەکاتەوە، ئەگەرچی زانکۆی سەڵاحەددین 57 ساڵە دامەزراوە، بەڵام هێشتا خاوەنی کەمپەس نییە.

 

لێدوانی فەرمی: د.کامەران یونس، سەرۆکی زانکۆی سەڵاحەدین بە ئاڤا نیوزی ڕاگەیاند: بڕیارە لە ماوەی چەند مانگی داهاتوودا بە ئامادەبوونی سەرۆکوەزیران بارزانی بەردی بناغەی کەمپەسەکە دابنرێت.

 

زانیاریی زیاتر: ئەو کەمپەسەی دروست دەکرێت لەسەر ڕووبەری هەزار و 30 دۆنمە و دەکەوێتە سەر ڕێگەی کەرکووک نزیک کۆلێژی نۆڵج لە بەشی باشووری شاری هەولێر.