بەهۆی زیادکردنی باج کینیا دەکوڵێت؛ کوژراو و بریندار هەیە

ئاڤا نیوز

 

دوای ئەوەی حکومەتی کینیا بڕیاری زیادکردنی باجی تاوتوێ کرد، ناڕەزایەتییەکی بەرفراون دژی بڕیارەکە دروستبوو و بەهۆیەوە 5 کەس کوژران و هەزاران کەس بریندار بوون. 

 

وێنە گەورەکە: سەڕەرای خراپی دۆخی ئابووریی وڵاتەکە، حکومەت دەیەوێت هێشتا باج زیاد بکات، ئەمەش هاووڵاتیانی تووڕە کرد، بە هەزاران کەس هێرشیان کردە سەر پەرلەمانی وڵاتەکەیان ئاگریان تێبەردا.

کاردانەوە و لێکەوتەکان: ئەمریکا و زیاتر لە 10 وڵاتی ئەوروپی "نیگەرانی قووڵ"یان بۆ تووندوتیژییەکان دەربڕی، وەزارەتی بەرگریی ئەمریکا داوای ڕاگەیاندنی باری لە ناکاو دەکات.

 

بۆچوونی بەرامبەر: ویلیام ڕۆتۆ، سەرۆکی کینیا ئەو خۆپێشانەرانە بە "خیانەتکارەکانی" دژەحکومەت ناو دەبات و دەڵێت: وەڵامێکی تووند و خێرامان بۆ ئاژاوەگێڕەکان دەبێت.

 

ئەوەی پێویستە بیزانیت: کینیا بە ژمارەی دانیشتووانی 52 ملیۆن کەس، بزوێنەرێکی ئابوورییە لە ناوچەی ڕۆژهەڵاتی ئەفریقا، بەڵام لە مانگی ئایاردا هەڵاوسانی بە ڕێژەی 5.1% تۆمار کردووە، لە هەمان کاتدا نرخی خۆراک و سووتەمەنی بە ڕێژەی 6.2% و 7.8% زیادی کردووە.