کار بۆ بەسیستەمکردنی دامەزراوەکانی مێرگەسۆر دەکرێت

ئاڤا نیوز

 

مەلا مستەفا بارزانی سەرپەرشتی کۆبوونەوەیەکی یەکە خزمەتگوزارییەکانی مێرگەسۆری کرد و باس لە چۆنیەتیی زیاتر بەرەوپێشبردن و خزمەتکردنی هاونیشتمانییان و پرۆژە خزمەتگوزارییەکان کرا.

 

ڕاگەیێنراوی فەرمی: ڕاگەیاندنی نووسینگەی مەلامستەفا بارزانی ڕایگەیاند: لە قایمقامیەتی قەزای مێرگەسۆر، مەلا مستەفا بارزانی بە بەشداری غەفور ئەحمەد، قایمقامی قەزاکە سەرپەرشتیی کۆبوونەوەی یەکە ئیدارییە خزمەتگوزارییەکانی سنوورەکەی کرد.

 

خاڵی ئەرێنی: لە کۆبوونەوەکەدا، باس لە چۆنیەتیی زیاتر بەرەوپێشبردن و خزمەتکردنی هاونیشتمانییان و پرۆژە خزمەتگوزارییەکان لە گشت سێکتەرەکان کرا؛ باسی ئەوەش کراوە کاروبارە ئیدارییەکان بە شێوازی ئەکادیمی و زانستیانە ڕێکبخرێنەوە.

 

ئەوەی پێویستە بیزانیت: لە کابینەی نۆیەمدا دەیان پرۆژەی ستراتیژی و خزمەتگوزاری گرنگ لە قەزای مێرگەسۆر جێبەجێکراون و لە دیارترینیان، کردنەوەی دەروازەی نێودەوڵەتیی زێت بوو لە نێوان تورکیا و ھەرێمی کوردستان، کە بە یەکێک لە ھەنگاوە گرنگەکانی حکومەتی ھەرێمی کوردستان دادەنرێت.