لە بۆڵیڤیا هەوڵی کودەتا شکستی هێنا

ئاڤا نیوز

 

هێزێکی سەربازیی بۆڵیڤیا هەڵیکوتایە سەر کۆشکی سەرۆکایەتی ئەو وڵاتە  و هۆشداری "کودەتا" درا، بەڵام هەوڵەکە شکستی هێنا. 

 

وێنە گەورەکە: لەلایەن چەند یەکەیەکی سوپاوە جوڵەی نائاسایی کراوە و هەڵیانکوتاوەتە سەر کۆشکی سەرۆکایەتیی بۆڵیڤیا.

 

لێدوانی فەرمی: خوان خۆسێ زونیگا، ژەنەڕاڵ لە سوپای بۆڵیڤیا کە یەکێکە لە سەرکردەکانی کودەتاکە دەڵێت: ئێمە ئەم نیشتیمانە ڕێک دەخەینەوە.

 

بۆچوونی لایەنی بەرامبەر: لویس ئارسێ، سەرۆکی بۆڵیڤیا دەڵێت لەلایەن چەند یەکەیەکی سوپاوە جوڵەی نائاسایی بە هێزەکان کراوە، دەبێت ڕێز لە دیموکراسی بگیرێت. 

 

لەلایەکی دیکەوە: ئیڤۆ مۆرالیس، سەرۆکی پێشووی بۆڵیڤیا دەڵێت: هەوڵی کودەتا هەیە، ڕێگە نادەین هێزە چەکدارەکان دیموکراسی پێشێل بکەن و سووکایەتی بە خەڵک بکەن.

 

لێکەوتەکانی: دوای ئەوەی سەرۆکی بۆڵیڤیا داوای لە خەڵکی وڵاتەکەی کرد دژی کودەتاکە بوەستن، خەڵک هاتنە سەر شەقام و لە ئەنجامدا کودەتاکە شکستی هێنا و سوپا کشایەوە.

 

ئەوەی پێویستە بیزانیت: وڵاتی بۆڵیڤیا دەکەوێتە ناوەڕاستی ئەمریکای باشوور، پایتەختەکەی لاپازە و سنووری لەگەڵ وڵاتی پیرۆ هەیە و ژمارەی دانیشتووانی 12 ملیۆن و 567 هەزار کەسە، سیستمی دەسەڵاتەکەی کۆمارییە.