وادەی تۆمارکردنی تۆماركردنی هاوپەیمانێتی و حیزبەكان بۆ هەڵبژاردن كۆتایی دێت

ئاڤا نیوز

 

ئەمڕۆ وادەی تۆمارکردنی هاوپەیمانێتی، حیزب و بەربژێرە سەربەخۆكان بۆ بەشداریی لە هەڵبژاردن کۆتایی دێت، بەڵام بەشێک لە لایەنەکان داوای درێژکردنەوەی وادەکە دەکەن.

 

وێنە گەورەکە: بڕیارە ئەمڕۆ دەرگای تۆمارکردنی ناوی ھاوپەیمانێتی، حیزب و بەربژێرە سەربەخۆکان بۆ هەڵبژاردنی پەرلەمانی کوردستان لەلایەن کۆمیسیۆنەوە دابخرێت، ئەمەش دوای دووجار درێژکردنەوە.

 

کاردانەوەکان: دوای دیاریکردنی وادەی نوێی هەڵبژاردن، بەشێک لە لایەنە سیاسییەکان داوایان لە کۆمیسیۆن کرد، وادەکە درێژ بکاتەوە، ئەمڕۆش لەگەڵ کۆتاییهاتنی دەوامی فەرمی وادەکە کۆتایی دێت و دیاریش نییە درێژ دەکرێتەوە یاخود نا. 

 

ئەمەش بزانە: تاوەکو ئێستا 12 حیزب، دوو هاوپه‌یمانێتی و 77 كاندیدی سەربەخۆ ناوی خۆیان بۆ هه‌ڵبژاردنی خولی شه‌شه‌می په‌رله‌مانی كوردستان تۆمار كردووه‌.

 

گۆشەیەکی دیکە: دوێنێ سەرۆکایەتیی هەرێمی کوردستان ڕۆژی 20-10-2024ـی بۆ بەڕێوەچوونی هەڵبژاردنی خولی شەشەمی پەرلەمانی کوردستان دیاریکرد. 

 

باکگراوند: پێشتر کۆمیسیۆن وادەکەی لە 13-6ـەوە بۆ 24-6-2024 درێژ کردبووەوە، دواتریش سێ ڕۆژی دیکەی لەسەر ماوەکە زیاد کرد.