ئەمریكا: پێشوازی لە دیاریکردنی وادەی نوێی هەڵبژاردنی پەرلەمانی کوردستان دەکەین

ئاڤا نیوز

 

باڵیۆزی ئەمریكا لە عێراق ڕایدەگەیێنێت، پێشوازی لە دیاریکردنی وادەی نوێی هەڵبژاردن لە هەرێمی كوردستان دەکەین.

 

وێنە گەورەکە: دوێنێ چوارشەممە نێچیرڤان بارزانی، سەرۆکی هەرێمی کوردستان بە مەرسوومێکی فەرمی ڕێککەوتی 20-10-2024ی وەک ڕۆژی بەڕێوەچوونی هەڵبژاردنی خولی شەشەمی پەرلەمانی کوردستان دیاری کرد.

 

لێدوانی فەرمی: ئەلینا ڕۆمانۆوسكی، باڵیۆزی ئەمریكا لە عێراق لە ئێکس نووسیویەتی: ئێمە پێشوازی لە ڕاگەیاندنی ئەنجامدانی هەڵبژاردن لە هەرێمی کوردستان دەکەین کە بڕیارە لە 20ـی ئۆکتۆبەر بکرێت.

 

خاڵی ئەرێنی: ئەو باڵیۆزە داوا لە هەرێمی کوردستان دەکات، هیچ دواخستنێکی دیکە ڕوونەدات و لە کاتی دیاریکراوی خۆیدا بکرێت.