مەحما خەلیل: وەزارەتی کۆچ و کۆچبەران کاری نامرۆڤانە بەرامبەر ئاوارەکان دەکات

ئاڤا نیوز

 

پەرلەمانتارێکی کورد لە پەرلەمانی عێراق ڕایدەگەیێنێت، ئەجێندایەکی سیاسی لە بڕیاری وەزارەتی کۆچ و کۆچبەران بۆ داخستنی کەمپی ئاوارەکان لە هەرێمی کوردستان ھەیە.

 

وێنە گەورەکە: حکومەتی عێراق بڕیاری داوە تاوەکو 30ـی تەممووزی ئەمساڵ، سەرجەم کەمپەکان لە هەرێمی کوردستان دابخات.

 

لێدوانی فەرمی: مەحما خەلیل، پەرلەمانتاری کورد  لە پەرلەمانی عێراق بە ئاڤا نیوزی ڕاگەیاند، یەکێک لە ئاستەنگەکانی بەردەم گەڕانەوەی خەڵکی شنگال بوونی ژمارەیەکی زۆر گرووپی چەکداری نایاساییە کە بوونەتە مەترسیی لەسەر ژیانی ھاووڵاتیان، بەتایبەتی پەکەکە.

 

زانیاریی زیاتر: ئەو پەرلەمانتارە پێیوایە وەزارەتی کۆچ و کۆچبەران دەیەوێت بەم کارانە، گەندەڵی و لاوازی خۆی لە گەڕانەوەی ئاوارەکان بشارێتەوە، لەکاتێکدا ھیچ یاسایەک نییە ڕێگری بکات لە مانەوەی ئاوارەکان. 

 

گۆشەیەکی دیکە: لەبارەی  ڕێککەوتنی شنگال مەحما خەلیل ئاماژەی بەوە کردووە، دەبێت جێبەجێ بکرێت، چونکە بەوە گرووپە لە یاسا دەرچووەکان لەو قەزایە نامێنن و ئاوارەکان دەگەڕێنەوە و دەست بە ئاوەدانکردنەوەی شارەکە دەکرێت، بەمەش شتێک نامێنێت بەناوی کێشەی شنگال.