هه‌ولێر و وان بره‌و بە پەیوەندییەکانیان دەدەن

ئاڤا نیوز

 

پارێزگاری هه‌ولێر پێشوازیی له‌ شاندێكی پارێزگای وان كرد و تاوتوێی چەند پرسێکی هاوبەشیان کرد.

 

وێنە گەورەکە: شاندێکی پارێزگای وان بە سەرۆکایەتیی نه‌جده‌ت تاكڤا، سه‌رۆكی ژووری بازرگانی و پیشه‌سازیی و ژماره‌یه‌ك ئه‌ندامانی ژووری بازرگانی و پیشه‌سازی ئه‌و شاره‌، سەردانی هەولێریان کرد و لەلایەن پارێزگاری هەولێرەوە پێشوازی لێکرا.

 

ڕاگەیێنراوی فەرمی: ئومێد خۆشناو، پارێزگاری هه‌ولێر ئاماده‌یی ته‌واوی خۆی بۆ هه‌ماهه‌نگی و پێكه‌وه‌ كاركردن له‌گه‌ڵ پارێزگای وان له‌سه‌ر ته‌واوی ئاسته‌كان نیشاندا و گوتی: هه‌وڵه‌كان له‌پێناو به‌هێزكردنی په‌یوه‌ندییه‌كانی نێوان هه‌ردوو ژووری بازرگانی و پیشه‌سازیی هه‌ولێر و وان چڕتر ده‌كه‌نه‌وه‌.

 

خاڵی ئەرێنی: پارێزگای‌ وان له‌ڕووی گه‌شتیاری، بازرگانی، كولتووری، پیشه‌سازی و ئاژه‌ڵدارییه‌وه‌ هه‌نگاوی باشی ناوه‌، له‌گه‌ڵ ئه‌وه‌شدا پارێزگای هه‌ولێر بازاڕێكی به‌هێزی ئابووریی ناوچه‌كه‌یه‌، ده‌كرێت له‌ڕێگه‌ی پێكه‌وه‌ كاركردنی هه‌ردوولا، ئاڵوگۆڕی بیرۆكه‌ و بۆچوونه‌كان بكرێت.