فێستیڤاڵە کولتووری و هونەرییەکانی لوبنان دەستپێدەکەنەوە

ئاڤا نیوز

 

سەڕەرای بوونی کێشە سیاسی و ئەمنییەکان، بڕیارە لە مانگی تەمووزی ئەمساڵ، دووبارە دەست بە ئەنجامدانی فێستیڤاڵە کولتووری و هونەرییەکان لە لوبنان بکرێتەوە.

 

وێنە گەورەکە: لە ماوەی ڕابردوودا لوبنان بە هۆکاری کێشە سیاسی و ئەمنییەکانی، هەموو فێستیڤاڵە هونەرییەکانی ڕاگرت. ئێستا بڕیارە لە مانگی تەمووزی ئەمساڵ بە ئامادەکارییەکی باشترەوە دەست بە ئەنجامدانیان بکرێتەوە.

 

زانیاریی بەدەستهاتوو: ئەمین ئەبی یاخی ـ سەرۆکی لیژنەی فێستیڤاڵەکانی لوبنان، بە سکای نیوزی ڕاگەیاند: ئەمەی دەیکەین جۆرێکە لە پێداگیری و ئیرادە، چونکە ئێمە باوەڕمان بە لوبنان هەیە کە وڵاتێکی ڕۆشنبیر و شاد و جێگەی ژیانە.

 

لەلایەکی دیکەوە: ئەو فێستیڤاڵە هونەری و کولتوورییانەی لە لوبنان ساز دەکرێن، هۆکارێکی سەرەکین بۆ ڕاکێشانی گەشتیار بۆ ناوچە جیاوازەکانی لوبنان. وەستاندنی  فێستیڤاڵەکان لە ماوەی ڕابردوودا کاریگەری لەسەر کەمکردنەوەی گەشتیار بۆ لوبنان هەبوو.