ئەندەنووسیا زیاتر لە 100 تایوانی بە تۆمەتی ساختەکاریی ئەلیکترۆنی دەستگیر دەکات

ئاڤا نیوز

 

پۆلیسی ئەندەنووسیا دەستگیرکردنی 103 کەسی تایوانی بە تۆمەتی ساختەکاریی ئەلیکترۆنی ڕاگەیاند.

 

چیرۆکی سەرەکی: تایوانییەکان 12 ژن و 91 پیاو بوون لە ناو ڤێلایەک لە دوورگەی بالی لە ئەندەنووسیا کە هێزەکانی پۆلیس لە ئۆپەراسیۆنێکدا هەموویانی دەستگیر کردوون. پۆلیس هەروەها دەستی بە سەر سەدان مۆبایل و ئامێری ئەلکترۆنی دیکەدا گرتووە. ئەوان تۆمەتبارن بەوەی هەوڵیان داوە کەسانی مالیزی بکەنە ئامانج و بیانخەڵەتێنن.

 

زانیاریی زیاتر: لە ماوەی ساڵانی ڕابردوودا وڵاتانی باشووری ڕۆژهەڵاتی ئاسیا، لە ناویشیاندا هەر یەکە لە چین، ئەندەنووسیا و مالیزیا، هەوڵەکانی بۆ ڕووبەڕووبوونەوەی ساختەکاریی ئەلکترۆنی زیاتر کردووە.

 

قووڵتر: بەو پێیەی تۆمەتبارەکان تایوانین و ویستوویانە لە ناو خاکی ئەندەنووسیا تاوانکاری لە دژی خەڵکی مالیزیا ئەنجام بدەن، دادگاییکردنەکەیان ئاسان نابێت و پێویستی بە هاوئاهەنگیی نێوان ئەو وڵاتانە دەبێت.